29.06.2008
Stigningsløp Hillingen tysdag 1. juli kl.18.00.
Oppmøte i klubbhuset.
Vi gjentek suksessen frå i fjor og arrangerer stigningsløp saman med Tormod Skilag, frå Gardevegen opp til Hillingsætra. Tidtaking for dei som vil.
Det er og moglegheit for å gå frå Solshaugen.
Sosialt samvær i klubbhuset etterpå.

Vel møtt!

14.06.2008
Søndag 29. juni 2008 kl. 16.00 blir det trening i regi av Fron ski på Kverndokken.
Joggesko og stutte stavar.

03.06.3008
Treningstips til alle 10 og 11 åringer i Fron Ski for juni 2008.

Vi har sett på at alle er med på fotball, så vårt tips for trening nå mens fotballen er i gang, er i tillegg til fotballtrening og kamper, å prøve å få til ein roleg langtur (ca 45 min - 1 time) enten på sykkel eller jogging ein gong i veka, og kanskje ein tur på rulleski for å trene balanse og teknikk. Nok med ein halv time.

For dei som ønskjer det kan vi gjerne sette opp eit meir personleg program for juli, når det er mindre fotball.

Jo og Åge.

20.05.2008
Samling Fron ski 13. - 15. juni 2008
Det blir skisamling på Sognefjellet helga 13. - 15. juni.
Les meir om samlinga her »

Bindande påmelding snarast og seinast 22.05.08,
til Torunn 99 64 26 54.

09.05.2008
Nytt opplegg for våren og forsommaren 2008 er lagt ut
Klikk her »

03.05.2008
Ski avslutning 2008

Søndag 28.04.08 var det premieutdeling og avslutning av ski sesongen 2008.
I godt vår vær var det mange som møtte opp på tribuna ved speaker bua for å ta imot velfortjente premiar.
Det har vore arrangert 3 karusellrenn i lysløypa. Skiføre i lysløypa tok brått slutt 18. februar og dei siste renna vart difor avlyst.
Totalt 130 små og store har stilt til start på årets renn. Dette er større deltaking enn på mange år etter det vi kan finne ut. Det var 114 ungar, 9 seniorar og 7 gjestedeltakarar frå Fron ski.
I tillegg vart våre trufaste tidtakarar Jo og Ola premiert for ”lang og tru” teneste.
I tillegg er det arrangert familie dag saman med allidretten og klubbmeiseterskap på fjellet med eigen premiering.
Etter utdelinga vart det servert brus, kaffe og kaker. Mange nytta og høve til ei ”treningsøkt” på fotballbana før dei gjekk heim.

Skigruppa vil takke for deltakinga og oppmøte og ynskje alle vel møtt att neste vinter.
Vi satsar på ny deltakarrekord også neste år……

Treninga for dei aktive vil starte opp i midten av mai. Meir informasjon vil kome seinare.

22.04.2008
Søndag 27. april blir det premieutdeling for alle som har deltatt på karusellrenn i vinter.
Les mer her »

11.04.2008
Høvringenturen i morgon 12.04.2008, er avlyst på grunn av dårlege verutsikter.

08.04.2008
KM i stafett

Kvam idrettslag sine lag gjorde det godt under stafett-KM på Astridbekken i Gausdal søndag 6. april. Kvam stilte med fire lag, tre reine Kvam-lag og eitt lag saman med Sør-Fron. Alle dei elleve løparane våre gjekk svært gode løp, og alle laga fekk gode plasseringar.
 

I G 8-10 år stilte Simen Blankenborg Berge, Sigurd Haadem Rudland og Endre Sanden. Alle tre gjekk fort i den kilometer-lange løypa, og laget fekk den gode tida 13.15. Det er godt gjort å gå tre kilometer så fort!
 

I G 11-12 stilte Torstein Hagen, Hans Kristian Haadem Rudland og Espen Sanden. Dette laget er eit svært sterkt lag. Torstein gjekk den fyrste etappen. Han var uheldig i starten og datt, noko som gjorde at han kom litt dårleg ut. Torstein tok seg fint opp att i feltet og ga Hans Kristian eit godt utgangspunkt. Hans Kristian gjekk seg framover i feltet og ga Espen ein god posisjon da dei veksla før siste etappe. Espen gjekk svært godt og gjekk laget fram til plass nr. 14.
 

I G 13-16 stilte Kvam med Lars Eivind Jensvoll, Halvor Røssum og Ola Esten Røssum. Lars Eivind kom godt ut frå start og heldt på plassen sin gjennom heile etappen. Halvor tok over og gjekk laget opp to plassar på si etappe. Da Halvor veksla med Ola, låg laget på 14. plass. Ola gjekk godt på si fristil-etappe og gjekk også laget opp to plassar. Ein 12. plass i denne sterke klassa er ein god prestasjon.
 

I J 13-16 stilte Mari Vassdokken Sigstad og Pernille Hagen lag saman med Gry Anette Andersen frå Sør-Fron IL. På grunn av at dette var eit blandingslag, er dei ikkje med på den offisielle resultatlista. Mari gjekk fyrste etappen og veksla som nr. 3. Pernille gjekk også godt og kunne sende Gry ut på siste etappe med ein god posisjon i feltet. Laget kom i mål som nr. 5.

Det er mange år sidan Kvam stilte med så mange lag i stafett-KM. For mange av løparane våre, var dette også fyrste gongen dei gjekk stafett. Dette var ein svært god start for alle saman!
Vi gler oss til mange stafettduellar i åra som kjem.

02.04.2008
KM-stafett Astridbekken 6. april 2008

Kvam har meldt på 3 guttelag til årets Astridbekkstafett:
8-10 år: Endre Sanden, Simen B. Berge og Sigurd H. Rudland.
11-12 år: Hans Kristian Rudland, Torstein Hagen og Espen Sanden.
13-16 år: Halvor Røssum, Lars Eivind Jensvoll og Ola Esten Røssum.

I tillegg er det medt på eitt jentelag Kvam/Sør-Fron:
13-16 år: Mari Vassdokken Sigstad, Pernille Hagen og Gry Anette Andersen.

Følg med her »

01.04.2008
GD-cupen samanlagt 2008
Kvam sine løparar tok fleire poeng samlagt enn noko år tidlegare i årets GD-cup for 11-14 åringar.
Dei 5 beste renna teller.
4. plassar til Hans Kristian og Mari, men og fine plasseringar til dei andre.
Martine 7, Espen 9, Torstein 17, Halvor 16, Pernille 11 og Lars Eivind 17.

Fullstendig oversikt her »

Ny dato før Høvringenturen blir laurdag 12. april. Avreise kl 09.00 frå Slettakrysset.

Ny påmelding til Lisa Rustli, tlf. 97 54 37 77 eller
Torunn Sigstad, tlf. 99 64 26 54 innan torsdag 10.04

\31.03.2008
Fronsstrening i Skåbu onsdag 2. april kl. 18.30 - valfri stilart.

29.03.2008
Moskusrennet 29. mars og avslutning GD-cup

Årets siste individuelle renn og avslutning av GD-cupen 2008 gjekk på Dombås under vanskelege forhold. Nok ein gong kom både løparane og vårt smøreteam i mål med heiderleg innsats. Klassisk fellesstart i tildels sterk vind gjorde at løparane vart sett skikkeleg på prøve.
Våre yngste løparar i 8 – 10 års klassa, Sigurd, Endre og Sander gjekk alle gode løp på sin 1km og har vist god framgang i vinter. Sigurd fekk tida 5.39, Endre 5.02 og Sander 5.56.
Frå 11-14 år var det avslutning på årets GD-cup og for mange var det små marginar framover og bakover på samanlagtlista. Nervane var derfor i høgspenn før start.
Våre 3 gutar i 11 års klassa har imponert med gode resultat i heile vinter og innsatsen var på topp heilt til det siste og i dette rennet.
Hans Kristian kunne for andre gong denne sesongen klatre opp på pallen med sin 3. plass. på tida 9.07, berre to sekund bak vinnaren. Hans Kristian har hatt stor framgang denne sesongen og tok til slutt 4. plassen samanlagt i GD-cupen. Torstein har også gått seg gradvis oppover på resultatlista gjennom sesongen og gjekk i dag inn til ein sterk 10.plass på tida 9.55.
Espen gjekk nok ein gong eit godt løp, men likar seg best i fri stil og går sine aller beste løp der. 13. plass med tida 10.12 i denne klassa er likevel veldig sterkt.
Halvor avslutta med årsbeste da han gjekk inn til ein 12. plass på tida 12.01.
G11 og 13 er særs store og tøffe klasser og prestasjonane til våre 4 gutar i desse klassane står det respekt av.
Martine gjekk og sitt beste løp for sesongen og tok ein 5. plass på tida 9.53.
Mari gjekk inn til sin tredje 4. plass denne sesongen på tida 11.29. Ho har hatt ein jamn strek sesong og tok 4. plassen samanlagt i GD-cupen.
Det var mange harde og jamne duellar på denne klassiske fellesstarten og marginane framover og bakover var små. Det ser likevel ut til at Kvamsløparane er tøffe nok til å takle presset på ein slik fellesstart, da nesten alle gjekk inn til årsbeste eller tangering av den.

Gode resultat på gode ski må vel seiast å vere oppsummeringa av både avslutningsrennet og sesongen.

Resultat Moskusrennet
Klikk her »

NB! Høvringenturen i morgon 30. mars, er avlyst på grunn av dårleg vermelding. Ny dato blir fastsett over helga.

28.03.2008
Startliste Moskusrennet
Klikk her »

24.03.2008
Fronstrening i Skåbu onsdag 26. mars kl. 18.30 - klassisk stil.

NB! Hugs og melde døkk på Moskusrennet 29. mars - påmelding seinast
25. mars

Vi minner om Høvringenturen 30. mars
Meir informasjon her »

17.03.2008
Påskeskirenn i Skåbu
Det er påskeskirenn i Skåbu skjærtorsdag kl 12.00.
Interesserte kan lese meir her »

Birkebeinerrennet 2008
I strålande ver og rekordføre gjennomførte alle våre 7 birkebeinarar gode løp.
Alle stråla om kapp med sola på denne dagen, og den fine turen freista til gjentaking for både ungdommane og dei vaksne.
Halvor var kanskje den som strålte aller mest av våre denne dagen. Etter at han hadde uhell med ein stav i fjor, gjennomførte han eit løp utan uhell og gjekk eit sterkt løp på tida 46.03 og vart nr. 143 av 225 i si klasse.
Lars Eivind var og godt fornøgd med gjennomføringa, med unntak av eit fall som kosta han noko tid. Han gjekk eit godt løp på tida 42.29 og vart og nr. 143 av 205.
Pernille og Mari stilte i J14 med totalt 100 startande. Mari fekk tida 41.35 og ein sterk 26. plass (som i fjor). Mari var ikkje heilt nøgd med gjennomføringa, men fin plassering.
Pernille trivs godt på slike lange løp og hadde sett veldig fram til nettopp dette rennet. Dessverre har ho vore sjuk den siste tida og var prega av dette. Likevel gjekk ho eit jamt og godt løp på tida 45.30 og ein god 69.plass.
Ola Esten trivs også særs godt på slike lange løp og gjekk på den sterke tida 36.22 og kom med dette inn på ein 78. plass av 180. Som vanleg god gjennomføring av Ola.
Frank og Olav stilte i M45-49 år, ei tøff klasse der totalt ca. 1130 stk gjennomførte. Maksimaltida for merke var 3.25.06. Både Frank og Olav var debutantar i Birkebeinerrennet, men gjennomførte i god stil over fjellet.
Frank fekk tida 4.10.53 og vart nr. 583. Han var fornøgd med løpet og tida. Olav fekk tida 4.36.41 og vart nr. 754. Båe syntes dei hadde hatt ein fin tur over fjellet og det freista til gjentaking. Kanskje får dei følgje fleire kvamværar på turen over fjellet neste år.....

Gratulerer med innsatsen alle saman!

Skigruppa ynskjer alle ei riktig god påske med mange fine skiturar!

14.03.2008
Birkebeinerrennet 15. mars 2008

Frå Kvam stiller totalt 7 løparar til start på årets Birkebeinerrenn.
5 løparar i Ungdomsbirken og gledeleg nok er det i år og 2 løparar i sjølvaste Birkebeinerrennet.
Bra at dei vaksne "følgjer i spora" til våre tøffe ungdommar!
For våre 5 ungdommar, Ola Esten Røssum, Lars Eivind Jensvoll, Pernille Hagen, Mari V. Sigstad og Halvor Røssum, er dette eitt av årets høgdepunkt.
Ungdomsbirken er 15,3 km med start på Sjusjøen, der dei går ei sløyfe på ca. 2 km før dei startar nedfarten til Birkebeiner'n skistadion.
Frank Jensvoll og Olav Røssum er klare for dei tøffe 54 km over fjellet frå Rena til Lillehammer.
Vi ynskjer alle god tur og lykke til!
Følg med for resultat her »

10.03.2008
Bli med på den årlege høvringenturen.
Meir informasjon her »

09.03.2008
Vellykka klubbmeiseterskap og skileikdag på Kvamsfjellet

Årets klubbmeisterskap vart arrangert på Rondablikk Fjellsenter.
Dessverre er vår faste plass i Rondablikkgropa nå under utbygging og løysninga vart å bruke området til Fjellsenteret. Eit godt alternativ, men mange av oss sakna nok Rondablikkgropa i dag. Laussnø køyring og utfor frå toppen, med mange tilskodarar på den lune og fine grillplassen, har gjeve oss mange uforgløymelege og artige augneblink opp gjennom åra.
Fjellsenteret hadde også i dag sørgja for fine og nykøyrde løyper, og dei stilte heile område til vår disposisjon. Vi vil rette ein stor takk til dei!
I plussgrader og fine forhold, stilte totalt 65 løparar til start i klubbmeisterskapen. 1 meir enn i fjor og det er vi særs fornøgde med. Rennet gjekk i klassisk stil. Dette sette smørarane på prøve, men dei fann som alltid løysninga til slutt.
Også i år var det den yngre garde som hadde dagens beste tider. Om dette er eit særs godt teikn for våre yngre løparar eller om det er seniorane som ikkje heilt har funne toppforma, kan sjølvsagt diskuterast. Uansett så ser det lovande ut for framtida og vi eldre kan vel berre ha eitt mål for neste sesong – trene meir!
Mange gode unge og ivrige skiløparar var å sjå i sporet i dag, og innsatsen var som alltid på topp.
Det var hard kniving med mange startande i fleire klassar og mange jamne duellar, men det er alltid plass til fleire. Vi må framleis arbeide for at fleire held fram og blir glade i å gå på ski.
Etter rennet kosa både små og store seg med pølser, saft, brus, kaffe og kaker.
Sjå resultat og bilete frå klubbmeisterskapen frå lenkene i høgre marg.

Moskusrennet 29. mars
Dette er sesongavslutning og finale i GD-cup og cupen for 15-16 åringar
Påmelding seinast 25.03.08 her »

Skitrening veke 11
Måndag 10. mars - klassisk skitrening på fjellet - avreise frå Bygdahuset kl. 17.30, ta med hodelykt.
Eller Fronstrening i Skåbu kl.18.30 - valfri stilart.
Onsdag 12. mars - karusellrenn i Skåbu - skøyting - påmelding frå kl.18.00.
Torsdag 13. mars - Fronstrening Gålå kl. 18.30 - klassisk.

Vi oppmodar alle til å gå mykje på ski i påska, det er eit særs viktig renn igjen etter påske.
Legg inn litt ekstra eigentrening i påskeferien, slik at de ivaretek den gode forma til sesongavslutninga.

06.03.2008
Stillinga i GD-cupen etter 5 av 6 renn.
Klikk her »

03.03.2008
Det blir klubbmesterskap på ski ved Rondablikk fjellsenter søndag 9. mars 2008 kl. 12.00
Påmelding i god tid før kl. 12.00.
Les mer her »

NB! Karusellrennet i dag er avlyst!

NB!
Som ett alternativ til T1 kurset som var planlagt på Vinstra, kjører vi ett 3 timers skikurs i dag 3/3 kl. 18.00 i Brudalen (fotballbanen) på Harpefoss. Oppland skikrets stiller med instruktør. Om noen har lyst til å bli med er det bare å møte.

Om noen er interessert, ta kontakt med Lisa på tlf: 97543777.

Selsrennet

Ein stor delegasjon frå Kvam hadde teke turen til Tolstadåsen, og i dag vart det mange gode resultat på våre håpefulle, og fleire forbetrar stadig tidene.

Gutane i 11 års klassa imponerte med svært god laginnsats også i dag. I favorittstilen gjekk Espen sitt beste renn for sesongen, og kom i mål på ein flott 5. plass, berre 7. sek. frå pallen! Tida vart 6.28. Hans Kristian følgde opp med ein 6. plass, med tida 6.36, medan Torstein igjen sette årsbeste med 10. plass, og tida 6.43. Med hard konkurranse, og 34 deltakarar i klassa, er dette sterkt!
Martine skøytar godt, og i dag vart det ein god 9. plass på ho, med tida 7.45. Martine har hatt fri frå konkurranse ei stund, så dette var eit flott ”comeback”. Det er tett også her mellom løparane, og det er ikkje mange sekunda opp til enda betre plasseringar!

Våre eldste gjorde også solide løp i dag, der Mari utmerka seg med ein fin 4. plass. Ho slo
sin harde konkurrent, Lena Jansson frå Ringebu/Fåvang med to sekund! Pernille gjekk inn til ein 11. plass med tida 10.45. Også Pernille gjennomfører i fin stil, og har god mulegheit til å klatre oppover resultatlista.
Halvor gjekk på tida 10.28, og dette held til ein 14. plass. Lars Eivind kom i mål på 15. beste tid, med 10.09. I guteklassene er det beinhard konkurranse, men både Halvor og Lars Eivind går godt, og har ei positiv innstilling. Dei er i angrepsposisjon framfor dei neste løpa!

 

Malene debuterte med eit godt renn

Malene Lien Killi var Kvam sin debutant i dag i J8, og ho var godt fornøgd etter rennet. Dette ga meirsmak, og etter målpassering var ho alt klar for neste renn! Malene gjekk på tida 6.59. Sigurd og Simen i G8 klassa, skøyta i fin stil i dag. Sigurd fekk tida 4.52, medan Simen gjekk på 5.45, med fall. I G9 gjekk Endre inn til tida 4.19, også han med fall. Gode løp av alle dei minste gutane!
Ingrid meldte seg også til start i J8, og gjekk 1 km på den gode tida 7.52!
Alt i alt eit nytt, flott skirenn av våre løparar!

02.03.2008
Trening måndag 03.03.08
Klassisk trening på fjellet - møt ved Bygdahuset for koordinering av skyss. Føresette må regne med å vere med å kjøre. Avreise kl. 17.30.
Er det noen frå den yngste gruppa som skal vere med, må desse ha med føresette.
Ta med hodelykt.

Resultat frå Selsrennet
Klasse 8-10 år »
Klasse 11 år og eldre »

Stafettgull til Oppland!
Jentelaget til Oppland avslutta Hovedlandrennet 2008 med å gå inn til seier på 4x3,7 km stafett. På laget gjekk Sigrid Nordgården frå Vestringen, Berit Haugen frå Ringebu-Fåvang skiklubb, Marte Bjørnsgaard frå Lillehammer skiklubb og Barbro Kvåle frå Brandbu idrettslag.

Oppland sitt 1. lag gjekk inn til plass nr. 12 på resultatlista i guteklassa sin 4x5 km. Her stilte det heile 15 lag frå Oppland. Ola Esten Røssum gjekk den klassiske fyrste-etappen på 6. laget. Han heldt godt følgje med den fyrste delen av feltet, og veksla som nr. 61. Laget til Ola gjekk seg opp utover i løpet, og kom inn til mål som nr. 54.

Resultata frå stafettane kan du lesa her »

Med dette løpet avslutta Ola Esten sitt fyrste Hovedlandsrenn i langrenn. Han hadde tre fine dagar med gode resultat på Savalen, der han budde saman med løparane frå Ringebu-Fåvang skiklubb.

Med alle våre unge aktive og flinke skiløparar kan vi nok sjå fram til deltaking frå Kvam idrettslag på mange Hovedlandsrenn i åra som kjem. Dette er eit renn det er verdt å trene for å få vera med på!

01.03.2008
13 kvamløparar på Selsrennet 2. mars - GD-cup fristil.
Herav har vi ein debutant på startstreken - Malene Lien Killi - vi følgjer spent med.

Starttider/lister her »

Premie til Ola i dag!

På Savalen gjekk i dag Ola Esten Røssum eit godt klassisk løp. På den 5 km lange løypa brukte han 14,51.5 sekund. Dette heldt til ein god 89. plass. Det stilte 273 løparar til start i dagens renn. Ein tredjedel av løparane blir premierte, og Ola vart altså med mellom desse.

Ola disponerte kreftene godt i den krevjande løypa. Han hadde krefter att til ein god innspurt og fullførte i fin stil. Løpet var det klart beste Ola har gått i år. Etter mykje sjukdom var det moro å lykkast i dette, som vel må seiast å vera høgdepunktet denne sesongen.

I morgon er det stafett som står på programmet. Ola Esten håper på å få gå ei klassisk etappe på eitt av Oppland skikrets sine lag.

Gull og bronse til Gausdal og Ringebu

I kveld er det ”kakefest” for deltakarane frå Oppland skikrets. Og det er mykje å feire:
I klassa J15 vann Sigrid Nordgården frå Vestringen i dag gullmedalje, og Berit Haugen frå Ringebu-Fåvang vann bronsemedalje!

Vi gratulerer med flott innsats, og legg merke til at også små skiklubbar frå Gudbrandsdalen hevdar seg godt på nasjonalt nivå.

29.02.2008
God sprint-innsats av Ola Esten

Ola Esten Røssum gjekk inn til plass nr. 134 på sprint-distansen under Hovedlandsrennet på Savalen i dag. Sprinten gjekk i fristil. Ola Esten bør vera godt fornøgd med denne prestasjonen.

Det stilte heile 280 løparar til start i klasse G15, og det var svært tett på resultatlista. Ola Esten gjekk den 870 meter lange løypa på tida 1.47.54 . Dersom han hadde gått 7 sekund raskare hadde han rykka fram heile 100 plassar.

I morgon, på laurdag, er det 5 kilometer klassisk som står på programmet på Savalen.
Vi ønskjer Ola Esten lykke til!

Du kan sjå fullstendig resultatliste her »
 

27.02.2008
Ny tinging av klubbdressar for ski

Kvam IL ved skigruppa vil ta opp ny tinging på overtrekksdressar for både aktive og andre.
Dressane er spesiallaga i våre farger og har god passform og stor brukarvennlegheit. Dei som har kjøpt dressen, er pr. i dag godt tilfreds.
Dressane er vind- og vassavvisande med gode pusteeigenskapar.
Alle produkta er nettfora utanom vesten som er fleecefora.

Det tas opp bestilling pr. del, slik at det er mogleg å bestille delar kvar for seg og forskjellig storleik på alle delane dersom det er ønskjeleg.
Storleikar: 130, 140, XXS, XS, S, M, L, XL, XXL.

Du kan sjå bilete av dressane her »

Vi tingar på nytt når det har passert 20 stk.
Ta kontakt med Torunn Sigstad for tinging eller spørsmål, tlf. 99 64 26 54.

Pris pr. del dersom vi tingar over 20 stk.:
Jakke kr 805,-
Bukse kr 575,-
Vest kr 595,-
Trykk og frakt kjem i tillegg med ca. kr. 125,00

For aktive er eigenbetalinga kr. 1350,00.
 

26.02.2008
Hovedlandsrennet for
15 - og 16 - åringar på Savalen
29.02 - 02.03.08
Ola Esten er vår deltakar, og vi ønskjer han lykke til!

Rennprogrammet er slik:
Fredag 29.02 - sprint fri
Laurdag 01.03 - 5 km klassisk
Søndag 02.03 - stafett

Følg med her »

 

25.02.2008
Status GD-cup etter 4 av 6 renn
Klikk her »

Trening måndag 25.02.08
Skøytetrening på fjellet - avreise frå Bygdahuset 17.30.
Ta med hodelykt.

24.02.2008
Selsrennet 2. mars - GD-cup fristil
Påmelding innan 29.02.08 kl. 20.00.
Klikk her »

23.02.2008
Hans Kristian på pallen i STEIL-sprinten

STEIL-sprinten var det 4. rennet i årets GD-cup.
Rennet gjekk i klassisk stil under kjempefine forhold og strålande vær i Skåbu.
Arrangøren gjorde dette til ein fullkomen dag med eit topp arrangement på alle måtar.
Det same kan og seiast om våre gutar i G11. Alle 3 gjekk strålande og fekk sterke plasseringar.
Hans Kristian kom for fyrste gongen på pallen i eit GD-cup renn. På tida 7.55 vart han nr.3, berre 14 sek. bak vinnaren.
Espen og Torstein gjekk båe sitt beste klassisk renn for sesongen og viser sterk framgang.
Espen fekk tida 8.32 og vart nr. 11 og Torstein 8.39, nr. 13 og fekk dermed si beste plassering nokon gong.
I G10 gjekk Sander på tida 5.14, Endre i G9 fekk tida 4.35 og Sigurd i G8 gjekk i mål på 5.20.
Alle gjekk gode løp og viser framgang.
Våre 5 eldste løparar vart jamt over noko skuffa over eigne prestasjonar i dag.
Dei hadde nok høge forventningar etter å ha trena i den tøffe Skåbu løypa nokre gongar i vinter.
Halvor i G13 vart nr.15 på tida 13.07, Lars Eivind i G14 nr.14 med 12.24, Ola Esten i G15 nr.5 med 16.21.
I J14 vart Mari nr.8 på tida 12.42 og Pernille nr. 13 med 13.43.
Alt i alt ein fin dag i Skåbu der vi fyrst og fremst vil hugse den sterke innsatsen til våre gutar i G11

Sjå alle resultata her »

STEILsprinten
Kjendisar frå Kvam på GD's nettside
Klikk her »

20.02.2008
Fronstrening torsdag 21.februar kl. 18.30 (NB! merk tida) på Harpefoss.
Da det er hardt og isete i løypa blir det valgfri stilart.
 

18.02.2008
NB! Karusellrennet i dag 18.02 er avlyst!
Dei frå den eldste treningsgruppa som likevel har lyst til å trene, kan ta kontakt med Ole Kristian på telefonnummer 90949698
 

17.02.2008
"Heilt konge" i Kollen i dag!

Det var ein strålande dag i Kollen, også på søndag under Ungdommens Holmenkollrenn, med sol, godt føre og gode temperaturar.

Og Halvor, Lars Eivind, Pernille og Mari følgde godt opp, både det flotte véret og dei gode resultata frå laurdag. Nå var det fristil som stod på programmet

Halvor var fyrst ute av våre. Han kom i mål på 11.12, som er ei svært god tid. Halvor var den av våre som forbetra seg mest tidsmessig i forhold til det klassiske rennet dagen før.

Lars Eivind følgde godt opp, og kom i mål på tida 10.59. Sjukdomsperioden har visst ikkje sett Lars Eivind så mykje attende. Dette var eit sterkt løp.

Pernille viser svært stor framgang i fristil. Den sterke tida 11.57 vitnar om det. Ein skulle ikkje tru at dette er Pernille sin fyrste sesong der ho konkurrerer i fristil. Eit stort talent!

Mari gjekk også raskt i den krevjande løypa, og kom inn på tida 10.54. Det heldt til ein sterk 38.plass. Som den einaste av løparane våre vart Mari premiert båe dagane. Det er godt gjort.

Alle fire reiste heim att frå Oslo med ei stor oppleving rikare. Å vera saman ei helg under slike forhold, og konkurrere med trivlege langrennsløparar frå heile landet er morosamt.

Både sportsleg og sosialt er dette eit minne for lang tid framover.

Resultat søndag

Vellykket familiedag i Kvam idrettspark!

Søndag 17. februar vart det for første gong arrangert familiedag i idrettsparken. Det var lagt opp til mange ulike aktivitetar, både for små og store. Her var det skiorientering, med eiga løype for dei aller minste på fotballbanen, og ei for dei større i lysløypa. Det var skøyter, hulemåking, og bakker for både aking og utfor på ski. På øvre fotallbanen var det skiskyting, med erteposer. Omlag 120 små og store møtte fram i idrettsparken. Grillen blei tent opp, og mange fekk grilla seg pølser og kosa seg i det fine veret. Dagen blei avslutta med skiskyttarstafett. Her vart dei ca. 30 påmeldte delt inn i tre lag, og både barn og vaksne gjennomførte med sterkt engasjement og topp innsats.
Ski- og allidrettsgruppa vil takke alle som bidrog slik at arrangementet blei gjennomført, og håper at ein kan få til fleire slike dagar i åra framover.

Sjå fleire bilete her »

Svært god innsats i Kollen - Mari imponerte mest

Alle dei fire løparane frå Kvam, som i helga er med i Ungdommens Holmenkollrenn, gjorde det svært godt i den krevjande 3,3 km lange World Cup løypa i Holmekollen i dag. Rennet gjekk i klassisk stil.

Resultatlistene viser at det er svært jevnt i alle klassene. Det skil berre nokre få sekund mellom dei fleste. Plasseringa seier difor mest om kven som hadde den beste dagsformen og dei små marginane på si side.

Meir enn plasseringane, er det tidene og innsatsen som i slike renn viser kven som er gode til å gå langrenn. Alle våre fire løparar kan vera svært stolte av det dei har prestert i Kollen i dag!

Halvor var fyrstemann ut i løypene av våre, og gjekk eit svært godt løp. Han kom i mål på tida 12.12.

Lars Eivind følgde opp med eit like godt løp. Etter ei lang sjukdomsperiode var det imponerande å gå denne løypa på den sterke tida 11.46.

Pernille imponerer med sin fine klassiske teknikk. Også i dag gjekk ho eit godt gjennomført løp. Ho kom inn på tida 12.30.

Mari var den av våre som fekk den beste plasseringa i dag. Med tida 11.29 plasserte ho seg høgt oppe på lista. Plass nr. 28 i dette rennet, som er rekna som eit uoffisielt Norgesmesterskap for 13- og 14-årsklassene, er ein prestasjon det er verdt å merke seg.

Søndag er det fristil som står på programmet. Vi gler oss til ein ny dag med stor innsats og skiglede.
 

16.02.2008
Kvamsløperne har gjort store framskritt i skisporet det siste året. Det viser dagens resultater fra Ungdommens Holmenkollrenn.
I dag var det klassisk på programmet. Halvor Røssum og Pernille Hagen deltok for første gang og fikk fine plasseringer i de store klassene.
Lars Eivind Jensvoll nærmet seg Andreas Molden fra Nes som vant både i fjor og i år med flere sekunder.
Mari V Sigstad ble i dag nr 28 av 121 startende og var bare 48 sekunder bak vinneren Ingrid G Holm fra Fossum. Samme jenta vant i fjor og da havnet Mari 2.08 bak på en 71. plass.

Vi ønsker løpere, trenere og smørere lykke til med fristilsrennet i morgen.
 

Resultat frå Ungdommens Holmenkollrenn
Resultat laurdag

Steilsprinten GD-cup i klassisk stil 23. februar
Hugs å melde døkk på seinast 20.02.08.
Påmelding her »

Nybegynnerkurs/grunnkurs i smøring i klubbhuset
tysdag 19. februar kl. 18.30.
Det berømte smøreteamet til Kvam IL held kurs for alle som ønskjer å lære litt grunnleggjande om gliding og smøring.

Karusellrenn måndag 18. februar - klassisk
For dei som ikkje går på tid, løparar til og med 7 års-klassen, kan melde seg på fram til klokka 18.00.
For desse er det start kl 18.05 nede på fotballbana.
For alle løparar som skal gå på tid, er det påmelding fram til kl. 18.15.
Rennet går i klassisk stil med parstart og med 30 sekunder startintervall.

13.02.2008
4 kvamsløparar til Ungdommens Holmenkollrenn 16.-17.februar.

Ungdommens Holmenkollrenn er rekna for å vera det uoffisielle NM for 13 og 14 åringane.
I år deltek Halvor Røssum, Lars Eivind Jensvoll (sjuk da biletet vart tatt), Pernille Hagen og Mari V. Sigstad frå Kvam.
Det startar med 3 km klassisk laurdag og held fram med 3 km friteknikk søndag.
Det blir spanande å sjå korleis våre løparar hevdar seg i dette harde selskapet.

Startlista finn du her »

12.02.2008
Søndag 17. februar kl. 13 arrangerer ski - og allidettsgruppa i Kvam il en aktivitets- og familiedag i Idrettsparken. Her vil det bli ulike aktiviteter for både barn og vaksne i alle aldre!!
Les mer her »

10.02.2008
Knallføre og svært fine løyper!

Denne helga har det vore to dagar med svært flotte forhold for langrenn i løypene inne på Kvamskjølen.
Preparering av skiløyper kan ikkje gjerast betre enn det som har vore gjort her denne helga.
Kvam idrettslag sender ein stor takk til Rondablikk Fjellsenter for dette.
Løypenettet i dette flotte turområdet er noko av det beste ein kan finne nokon stad, og slike ”trikkespor” som nå er lagt, gjer ski-turen til ei stor oppleving.
Sol frå skyfri himmel og eit par minusgrader gjorde også sitt til at dette vart ei skihelg av dei sjeldne.

Det var mykje folk i løypene både laurdag og søndag, men det er plass til fleire!
 

09.02.2008
Skitrening veke 7

Måndag 11. februar kl. 18.00 - klassisk skitrening i Kvam - styrketrening inne etterpå.
Tysdag 12. februar - karusellrenn Harpefoss - skøyting - påmelding fram til 18.15.
Onsdag 13. februar - kl. 18.00 - klassisk skitrening i Skåbu.

Da 13- og 14-åringane med foreldre/trenarar reiser til Holmenkollen fredag morgon, er det ikkje sett opp fleire treningar denne veka.
Vi oppmodar dei andre til eigentrening.
Neste renn er klassisk GD-cup i Skåbu 23. februar.
Påmelding klikk her »

To Kvamsløpere tok turen til Madshussprinten på Biri i dag; Espen Sanden og Mari Vassdokken Sigstad. Eit nydeleg ver og flotte sprintløyper la ei fin ramme rundt arrangementet. Både Espen og Mari gjekk tre heat, og løparane fekk poeng etter passering i mål. I gutar 11 år var det heile 33 deltakarar. Espen var med i tetgruppa på alle heata, og fekk ein 2. og 3. plass, og til slutt ein suveren siger i det tredje heatet. Etter litt ”stang ut” på det andre heatet, heldt poengsummen akkurat ikkje til å kome til superfinale, men samanlagt fekk Espen ein flott 8. plass! I Mari si klasse var det berre fire jenter, så der var alle garantert finale! Mari gjekk godt, og vart klar nummer to i alle heata. Mari hang bra på konkurrenten Lena Janson frå Ringebu, men ho vart litt for sterk i dag. Nummer to vart plasseringa også til slutt, og Mari er med blant dei beste! Ein flott dag med sol og varmegrader, der både Espen og Mari var svært nøgde med dagens resultat!

Resultatliste klikk her »

Gunhild og John Petter Teigen med fin innsats i Holmenkollen Skimaraton.
Gunhild gikk av med seieren i familien med tida 4.13.15.
John Petter fekk tida 4.34.09.
Gratulerer med gjennomføringen!

Resultatliste klikk her »

05.02.2008
Påmelding Øyersprinten 10.februar - sprint fristil - seinast 05.02.08
Klikk her »

04.02.2008
Fronstrening i Tormod tysdag 5. februar kl. 18.00
Klassisk, roleg trening med litt fart.

89 stilte til start på kveldens karusellrenn. I kveld stilte det også løpere fra Tormod skilag, Harpefoss idrettslag og Sør-Fron idrettslag.

Sverre og Violeta i aksjon under dagens karusellrenn

Resultatliste finn du her »

03.02.2008
Rudsbygdrennet 02.02.08 – GD-cup i fri stil

I gårdagens GD-cup renn i Rudsbygd oppnådde fleire av dei 10 kvamsløparane årsbeste. Løypa denne gongen var noko lettare og raskare enn i tidlegare renn i vinter, derfor var marginane særs små i mange klasser.
Simen i G8 gjekk sitt andre renn i fri stil og allereie nå har han stor framgang. Han fekk tida 6.01.
Endre i G9 er ein erfaren og god fri stil løpar og gjekk inn til den gode tida 4.02.
I G11 stilte totalt 37 løparar til start. Både Hans Kristian, Espen og Torstein gjekk svært gode løp, og marginane framover minkar for kvart renn. Hans Kristian vart nr. 7 på tida 7.35, Espen nr. 10 på tida 7.48 og Torstein nr. 20 med tida 8.23. Årsbeste av alle tre, og det er ikkje mange sekund fram til pallen……!
Martine i J11 gjekk og opp mot årsbeste på tida 9.08 og ein fin 10. plass.
I G13 gjekk og Halvor inn til årsbeste for sesongen, tida 10.18 gav 13. plass.
Lars Eivind i G14 likar seg best i tyngre løyper. Han fekk tida 9.52 og 15. plass.
I J14 gjekk Mari og i dag eit godt fri stil renn og fekk tida 9.41 og ein 4. plass. Årsbeste også for ho. Pernille som var sjuk førre helg, har ikkje heilt funne attende til den forma ho var i. Med tida 11.30 gjekk ho inn til 12. plass.
Det blir spanande å følgje alle desse løparane vidare framover i sesongen og sjå om framgangen held fram.

Status GD-cupen etter 3 renn
Klikk her »

02.02.2008
Resultat frå Rudsbygdrennet.
Klikk her »

Karusellrenn måndag 4. februar.
Det blir nytt karusellrenn måndag 4. februar. Løparar frå Fronssamarbeidet er også inviterte til å delta på dette rennet.
For dei som ikkje går på tid, løparar til og med 7 års-klassen, kan melde seg på fram til klokka 18.00. For desse er det start kl 18.05 nede på fotballbana.
For alle løparar som skal gå på tid, er det påmelding fram til kl. 18.15.
Rennet går i klassisk stil med parstart og med 30 sekunder startintervall.

Det blir eit lite smørekurs i forbindelse med karusellrennet frå 18.30 og utover.
Om det er interesse for det, kan det bli meir etter rennet.

01.02.2008
Det er 13 påmeldte til Rudsbygdrennet laurdag 02.02.08, GD-cup i fri stil.
Startlista finn du her »

31.01.2008
T1 kurs langrenn på Vinstra 16. OG 17. februar
Oppland Skikrets arrangerer Trener 1 kurs Langrenn på Vinstra, laurdag 16. og søndag 17. februar 2008.

Dette er et ypperleg kurs for foreldre og andre ski-interesserte til å lære meir om trening og til å få tips om øvingar som kan brukast sammen med barn/unge.

Skileik er fin trening!
Påmeldingsfrist 12. februar 2008.

Ta kontakt med Torunn for informasjon og påmelding.

Meir info om kurset finn du her »

KM Trabelia 26. og 27. januar

Ny deltakar-rekord frå Kvam på laurdagens renn på Trabelia Ringebu
og god innsats av våre løparar både laurdag og søndag.
 

Gledeleg at det var 17 påmeldte frå Kvam. Dette og god innsats av samlege gjorde at det vart ei fin feiring og god stemning i Klubbhuset laurdagskvelden.
Ca. 30 frammøtte kosa seg med gryterett og kake, og såg på video frå dagens renn.
Vi fekk sjå mykje tæl og vilje, og ikkje minst alle var blide og fornøgde og såg ut til å trivast i dei harde løypene på Trabelia. Laurdag var det fri stil med parstart som sto på programmet.
Fyrst ut av våre var Jonas Selfors Lund og Endre Sanden i G9. Dei gjekk båe gode løp og Jonas fekk tida 3.56 og Endre 3.49 på sin 1 km.
Neste ut var G8, her hadde Kvam 3 startande, Simen Blankenborg Berge, Eirik Selfors Lunde og Sigurd H. Rudland. Dei kasta seg uredde ut på sin 1 km i fri stil og sto løpet godt ut, til tross for at det var fyrste rennet i denne teknikken for alle 3. Simen fekk tida 5.35, Eirik 4.54 og Sigurd 5.17.
Fyrste kvamsjente ut var Ingrid Rudi Teige i J8. Dette var og fyrste rennet for Ingrid i fri stil og ho syns godt det kunne vore spor…., men Ingrid gjennomførte fint også utan spor og fekk tida 7.10.
Sander T. Røssummoen i G10 hadde skøyta før, det var godt å sjå. Han gjekk 1,5 km og skøyta fint inn til tida 8.05.
Ola Esten Røssum i G15 var fyrst ut av våre løparar som skulle rangerast. 5 km i knalleharde i løyper, var det som venta Ola. Med tida 17.26 gjekk Ola inn til ein 22. plass og var ikkje særleg fornøgd med det.
G11 gjekk 2 km og der stilte Espen Sanden, Hans Kristian H. Rudland, Johannes Haugen og Torstein Hagen. Dette var ei av klassane med størst deltaking, og med par-start vart det ekstra mange harde duellar. Alle desse 4 tek ut alt når dei har startnummer på brystet og det får dei igjen for i form av gode tider. Hans Kristian 9.28 og 9. plass, Espen 9.45 og 14. plass, Torstein 10.16 og 20. plass og Johannes 13.02 og 33. plass. Godt jobba!
Martine Rudi Teige i J 11, har også same konkurranseinstinkt som gutta i klassen. Når ho får startnummer på brystet gjev ho alt. Med tida 11.17 på sin 2 km, gjekk ho inn til ein fin 9. plass.
For dei frå J/G 13 år og oppover var det KM både laurdag og søndag.
 i G1Lars Eivind Jensvoll4 er og ein som alltid gjev alt, og alltid ein humør spreiar og like blid.
Lars Eivind fekk tida 11.44 og ein 23. plass på sin 3 km.
Halvor Røssum var dagens mest uheldige frå Kvam. Han fekk mageproblem rett før han skulle starte og måtte kaste inn handkle. Heldigvis vart ikkje dette langvarig og Halvor stilte like frisk og blid på kveldens KM-treff.
Sist ut av våre var Mari Vassdokken Sigstad i J14. Mari gjekk igjen eit sterkt løp og fekk ein fin 6. plass med tida 11.03, berre 24 sekund bak 2. plassen. På ein god dag kan det bli pallplass.
Pernille Hagen var sjuk og stilte ikkje til start korkje laurdag eller søndag.

Vi stilte like blide og kanskje med enda større forhåpningar opp igjen til søndagens klassiske renn.
Halvor var fyrst ut, frisk og klar til å ta ut ubrukte krefter frå i går. Halvor gjekk eit veldig godt gjennomført klassisk renn og fekk tida 13.16 på sine 3 km og ein fin 17. plass i den store klassa.
Lars Eivind og Mari gjekk 4 km på sitt klassiske løp. Dette var ei veldig hard og tøff løype, men det likar Lars Eivind og gjekk eit godt gjennomført løp. Han fekk tida 15.53 og 21. plass. Mari sleit noko meir enn dagen før, men fekk likevel tida 15.44 og ein fin 8. plass. Også i dag var marginane framover små.
Ola Esten var ekstra revansjelysten i dag. 5 km med harde klassiske løyper var ikkje problem for Ola i dag. Med tida 17.08 gjekk han inn til ein fin 11. plass, og tida framover til dei beste var betydeleg redusert frå dagen før.
Stor deltaking, god innsats og totalt sett stor framgang frå fjoråret var konklusjon etter helgas renn.
Ringebu-Fåvang skiklubb gjennomførte som vanleg eit glimrande arrangement – gratulerer!

29.01.2008
NB! Sjå Fron ski for trening veke 5.

27.01.2008
Rudsbygdrennet GD-cup laurdag 2. februar
Påmelding seinast tysdag 29. januar online her »

Skitrening måndag 28. januar kl. 18.00
Skøyting i lysløypa - styrketrening inne etterpå.

Resultat KM søndag finn du her »

26.01.2008

Resultat frå rennet laurdag i Trabelia finn du her »

24.01.2008
Ny deltakar-rekord frå Kvam på laurdagens renn på Trabelia Ringebu
Heile 17 påmeldte - HURRA - Det blir heilt sikkert noko å feire på kveldens KM-treff i klubbhuset!

Vi håper mange møter opp – det blir servert gryterett med tilbehør og kake, og vi ser på film og bilete frå dagens renn.

Du kan lese alt om helgas KM her »

Resultata blir og lagt ut her - følg med, dette blir spanande, - og slik gjekk det på fjorårets KM.
 

Søndag 17. februar kl. 13 arrangerer ski - og allidettsgruppa i Kvam il en aktivitets- og familiedag i Idrettsparken. Her vil det bli ulike aktiviteter for både barn og vaksne i alle aldre!!
Så sett av dagen allerede nå. Mer informasjon vil komme.

Lørdag 2. februar kl. 14. har vi i arrangørgruppene et planleggingsmøte i klubbhuset, så er det noen som vil delta eller har gode ideer er de velkommen!
Vi er avhengig av hjelp fra voksne til de ulike aktivitetene, så har du anledning og lyst, meld deg gjerne til tjeneste:
Anja Solberg, tlf 91805553 eller Arne Harald Morstøl, tlf 90639038
 

22.01.2008
Obs! Rennstart i Trabelia laurdag, er flytt til kl. 11.00
Her er mailen sendt frå Ringebu - Fåvang skiklubb.

Vi gjør oppmerksom på at rennstart lørdag er flyttet til kl. 11. Det betyr at rennet starter kl. 11 begge KM-dagene.

Denne e-posten er sendt til adresser som er oppgitt i forbindelse med online påmelding. Vær vennlig å gjøre starttidspunktet kjent blant klubbens deltakere. Vi håper å kunne legge ut startlistene sent onsdag kveld. Følg med på rfski.com
Velkommen til Trabelia!

For Ringebu – Fåvang skiklubb
Jostein Hernæs

21.01.2008
KM-treff i Klubbhuset laurdag 26. januar kl. 18.00.

Komande helg er det KM for J/G 13 år og eldre på Trabelia i Ringebu.
Fri stil laurdag og klassisk søndag.
Dei som går i J/G 12 år og yngre går sonerenn i fri stil laurdag.

Dei aktive forbitt ofte KM med sosialt samvær om kveldane og overnatting.
Da vi i år går glipp av dette pga av kort avstand til Ringebu,
vil vi ha ei samling i klubbhuset laurdag kveld frå 18.00 og utover.
Alle løparar med familie er velkomne.
Det blir servert mat & drikke, og sjølvsagt kake da vi heilt sikkert har noko å feire......

Her kan vi slappe av og oppsummere dagens løp og lade opp til søndagens renn.
Det blir og moglegheit for skismørjing.
Kanskje blir det og film - og biletframsyning frå dagens renn.

Vel møtt!

Det var stor deltagelse også i kveldens karusellren. 86 stilte til start.
Oversikt over deltagere og resultater finner du her »

Det blir ikkje skitrening inne på Bygdahuset i kveld.
Frank

Folleburennet 19.januar -08.
8 løparar frå Kvam stilte til start i Folleburennet laurdag.
Rennet gjekk i klassisk stil i krevjande løyper. Her fekk løparane testa både kondisjon og teknikken både oppover og nedover.
Smøreteamet hadde og utfordringar i dag, med ”nullføre”.
Dei måtte jobbe hardt for å finne løysninga, og enda opp med ein kombinasjon av klister og tørrvoks.
Desse ”gutta” likar utfordringar, og resultatet vart nesten godkjent….

Også i dag hadde vi ein debutant på startstreken, Ingrid Rudi Teige stilte til start i J8 til tross for at ho er eit år yngre.
Det skremde ikkje Ingrid og ho gav alt på sin 1 km og gjekk inn på den imponerande tida 5.37.

Vi hadde også to gutar på startstreken i G8, Simen B. Berge og Sigurd H. Rudland.
Også desse gutane kasta seg uredde ut i dei harde løypene. Simen fekk tida 5.12 og Sigurd 5.00.
Alle desse tre er løparane er debutantar denne sesongen og vi følgjer spent med dei framover.

I G11 stilte Johannes, Espen og Hans Kristian til start. Innsatsen var på topp som vanleg.
I mål var det Hans Kristian som oppnådde beste plassering av desse i dag.
Han fekk tida 8.56 og 7.plass, Espen 9.46 og 14.plass og Johannes 11.43 og 20.plass.
Gode prestasjonar av alle 3.

Martine Rudi Teige i J11 viste og i dag same gode formstigning som i Tormodsprinten førre helg.
3.plass i dag med tida 10.38 er godt jobba i desse harde løypane. Avstanden framover er ikkje avskrekkande.

Mari V. Sigstad i J14 gjekk og i dag eit bra gjennomført renn og enda på 3.plass med tida 11.39.

Resultat 8-10 år.
Resultat 11-16 år.

20.01.2008

Påmelding til Trabelia 26. og 27. januar seinast tysdag 22. januar
Påmelding online klikk her »

NB! Sjå Fron ski for treningsdagar veke 4

18.01.2008
Folleburennet
Startliste for Folleburennet finn du her »

Resultat GD-cupen hittil (2 renn) finn du her »

14.01.2008
Det var stor deltagelse på årets første karusellrenn. Det var alt i alt 97 startende som alle gjorde en formidabel innsats ute i løypa.

Oversikt over deltagere og resultater finner du her»

Neste karusellrenn blir førstkommende mandag 21.01.08, til samme tid. Møt opp slik at vi blir over 100 da.

NB! Neste karusellrenn er i fri teknikk. Det betyr at da er det lov å skøyte.

13.01.2008
Folleburennet lørdag 19.januar -08.

Rennet går i klassisk stil med intervallstart.
Påmelding seinast onsdag 16.01.08 til Torunn eller online her »

Resultat frå dagens Tormodsprint finn du her »
Simen Berge vart TV-kjendis alt i sitt første renn.
Klikk her »

12.01.2008
Det er påmeldt 16 løparar frå Kvam til Tormodsprinten søndag.
Startlista vil bli lagt ut her »

10.01.2008
Alle frå idrettslaget som skal delta på Tormodsprinten søndag 13.01

Vi samlast i smørbeua til Ole Kristian på Rudland etter seminaret med Odd-Bjørn Hjelmeset, ca. kl 20.00. Her klargjer vi skiene til søndag.
Inngang ved rampa på baksida.

Aktivitetplan for ski vinteren 2008

Fyrste karusellrenn måndag 14. januar, gratis påmelding fram til 18.00.
Kuldegrense -12° på alle renna.

Vi i skigruppa ser fram til ein ny sesong med stor aktivitet.
Håper både små og store møter med ski på beina og deltek med eller utan tidtaking.
Vel møtt!
 

07.01.2008
Måndag 7. januar kl. 18.00 - klassisk trening i lysløypa - styrketrening i Bygdahuset etterpå.

Tysdag 8. januar kl. 18.00 - klassisk lysløyperenn på Harpefoss, påmelding fram til 18.15.
- for dei som ikkje vil gå lysløyperenn, blir det klassisk sprinttrening på Vestsidebana kl. 18.00 - ta med hodelykt.

Torsdag 10. januar kl. 18.00 - klassisk sprinttrening Vestsidebana.

Oppfordrar alle til å trene i sprinttrasèen på Vestsidebana denne veka.
Spor blir lagt tysdag. Lurt å ta med lykt.
 

06.01.2008
Tormodsprinten GD-cup søndag 13. januar 2008

Påmelding seinast torsdag 10. januar til Torunn eller online her »

Les alt om Tormodsprinten her »

Gode prestasjonar av våre 11 løparar på Birkebeiner skistadion i går

Vår debutant i dag var Sigurd H. Rudland i G8 skøytet i fin stil og fekk tida 9.07.
Endre Sanden gav dei 29 andre i si klasse G9 hard konkurranse og gjekk inn på 6.40.
Topp innsats av våre to yngste løparar i skiskyttarane sine harde OL løyper.

I J11 gjekk Martine Rudi Teige også i dag eit godt løp og gjekk inn til ein fin 15.plass av 25 startande. Ho fekk tida 10.12.

Som alltid er det topp innsats og mykje tæl og vilje når våre 3 løparar i G11 står på startstreken. Desse gutane visar ski glede og ein innsats som lovar godt for framtida.
49 stk sto på startstreken i denne klassa. Hans Kristian Rudland vart nr. 10 med tida 8.40, Espen Sanden nr. 19 med tida 9.06 og Torstein Hagen nr. 27 med tida 9.36.
Det er veldig tett i denne klassa og få sekund utgjer mange plassar.

Dagens jubilant Halvor Røssum 13 år i dag gav seg sjølv ein fin gebursdagpresang ved å gå eit strålande løp på tida 10.41 og ein 24.plass av 46 startande. Gratulerer med dagen!

Lars Eivind Jensvoll i G14 fortsett framgangen frå før jul og reduserar forspranget til dei framfor seg. Han gjekk inn på tida 10.24 og ein 22.plass.

I J14 gjekk Mari V. Sigstad inn til dagens beste Kvams plassering. 5 plass av 21 startande, på tida 10.06. Pernille Hagen følgde og opp med eit godt fri stil renn og vart nr. 17 med tida 11.46.

Sist ut av våre var Ola Esten Røssum i G15. Til tross for langt sjukdomsfråvær gjekk inn til ein god 19.plass på tida 15.58 på 5km.

God innsats og framgang lover godt for kvamsløparane denne sesongen. Aldri før har så mange av våre løparar vore så god form tidleg i sesongen.
Rennet var det fyrste av 6 renn i GD-cupen for 11 – 14 åringar. Mange løparar frå utanfor ”GD-cup distriktet” deltok, noko som gjer at fleire av løparane får betre GD-cup plassering enn dagen resultatliste seier.

Neste GD-cup renn er Tormodsprinten søndag 13.januar. Rennet går på Vestsida-bana ved Peer Gynt senteret, da dette sprint med innleiande heat og finale. Dette blir publikumsvennleg, så vi oppfordrar alle til å møte opp og heie fram våre løparar.

Fullstendig resultatliste frå rennet finn de her »
 

04.01.2008
A. Rustadstuens minneløp 5. januar med 11 kvamværer påmeldt.
Løpet går i fristil på Birkebeineren skistadion.
For dei frå 11 - 14 år inngår dette rennet i GD-cupen.
Startliste og anna informasjon finn døkk her »
 

02.01.2008
Treningsseminar med Odd-Bjørn Hjelmeset

Odd-Bjørn Hjelmeset har igjen meldt sin ankomst
- direkte fra "Tour de Ski" til Kvam - fredag 11.januar kl. 18.00 på Vertshuset Sinclair.
Sjå invitasjon her »

Aktuelle linker

Akkurat nå
Større

Treningstips

Skismøring
Norges Skiforbund
Barnas skiklubb
Distansekortet
Langrenn.com
Skiinfo Norge
Tormod Skilag

Opplegg vår/forsommar 2008

Aktivitetsplan

Terminliste
GD-område

Terminliste alle renn

Løypekart karusellrenn
Under 8 år
8-10 år
11 år og eldre

Resultat klubbmeisterskapen 2008

Bilete frå klubbmeisterskapen 2008

Resultat karusellrenn
14.01.2008
21.01.2008
04.02.2008

Bilete frå familiedagen 2008
 

Adresse: Postboks 61, 2642 Kvam
E-postadresse: post@kvamil.no
Sida er sist oppdatert 04.10.2011 kl. 20:03.