09.12.2006

Endre

Gode resultat av våre skiløpere i Astridbekkrennet

Endre og Espen Sanden var dagens Kvamsløpere, men gode prestasjoner og av dei andre 3 løparane.










Sjå resultatlista her:
http://vestringen.com/astridbekkrennet_06_2_avviklet.htm

08.12.2006
Astridbekkrennet 9. desember -06

Kvam ha 5 påmeldte løpere på Astridbekkrennet:
Endre Sanden
Espen Sanden
Halvor Røssum
Mari V. Sigstad
Ola Esten Røssum

Sjå startlista her:
http://vestringen.com/start_061209.htm
 

03.12.2006
Dombåsrennet 2. desember -06.
Kvam sine 8 løparar viste god framgang i sesongdebuten på Dombås i dag.
Rennet gjekk i fri teknikk og det var derfor ekstra gledeleg at vi kunne reise heim med mange gode plasseringar.
 

Sjå resultatlista her:
http://www.dombaas-il.no/skiskyting/dbr-2006/resultat-lr.htm

 

30.11.2006
"Smørebu" i Klubbhuset
Skigruppa har nå laga ”smørebu” i gjestegarderoba på klubbhuset.

I smørebua står det smørebukk og smørejern, i tillegg eit lite utval av glider og festevoks.

Alle som vil nytte seg av dette kan låne nøkkel på Kiwi Kvam og levere attende etterpå.

Eventuelle spørsmål kan rettast til: Torunn 99 64 26 54
 

26.11.2006
Årets første skirenn for Kvam sine løparar går på Dombås laurdag
2. desember, -friteknikk.

Påmelding seinast dagen før.

Her er eit utdrag av årets terminliste på ski.
Oversikta inneheld dei mest aktuelle skirenna for Kvam sine løparar.
Oversikta vil bli supplert utover vinteren med påmeldingsfristar o.a. Følg derfor med på kvamil.no for informasjon.

Klasser:
J/G 8 år (1999) - 1 km
J/G 9 år (1998) - 1 km
J/G 10 år (1997) - 1 km
J/G 11 år (1996) - 2 km
J/G 12 år (1995) - 2 km
J/G 13 år (1994) - 3 km
J/G 14 år (1993) - 3 km
J/G 15 år (1992) - 5 km

Påmelding alle renn innan fristen til:
Torunn Sigstad
torusig@online.no
tlf. 99 64 26 54/61 29 44 92
 

23.11.2006
Skitrening laudag 25. november.

Det blir ikkje skitrening laurdag p.g.a. mangel på folk til å ta treninga.
Ta ein skitur eller joggetur sjølve, - fine forhold og mange gode skiløparar på Gålå som treng konkurranse.....
- eller møt opp på dugnad i lysløypa.

Skigruppa
 

22.11.2006
Lærerikt smørekurs med Åge Rusten

Tysdag 14. november arrangerte skigruppa smørekurs med Åge Rusten som instruktør.
Åge har lang erfaring innafor faget og er bl.a. engasjert av Høybråten & Stovner som smørjar på renn i vinter.
Dei snautt 20 frammøtte fekk ei grundig innføring i gliding og smøring av ski.
Dette er eit fag ein aldri blir utlærd i, så det er viktig å tørre og prøve og feile.
Intensjon med kurset var at dei frammøtte skulle lære nok til å kunne glide eigne og ungane sine ski, slik at skituren blir ei triveleg oppleving.

Fagerhøi samlinga 18-19.november.

17 forventningsfulle små og store kvamværer reiste tidleg laurdagsmorgon på skisamling på Fagerhøi. Sør-Fron var vertskap og vi fekk to fine dagar på ski.
For dei aller fleste var dette aller fyrste samlinga dei var med på, og ikkje alle hadde sove like godt natt til laurdag.
Hålkeføre, vind og sludd var ikkje den beste starten, men heldigvis vart fortsettinga svært så bra.
Vi hadde to trenings økter laurdag og to søndag. P.g.a. vær og føreforholda vart fyrste økta for dei yngste ( født -97 og yngre) innadørs bl.a. i klatrevegg, men stemninga var høg og innsatsen stor. Etter dette følgde to økter med teknisk trening friteknikk og avslutta med ei teknisk klassisk økt for alle. Veldig nyttig og lærerikt!
Dei eldste gjekk testløp andre økta laurdag, og Ola Esten, den einaste i den gruppa frå Kvam, gjennomførte eit sterkt løp.
Etter middag laurdagskvelden fekk vi høyre et særs interessant og tankevekkjande foredrag av fysioterapeut Keio Korpela om trening, helse og kost. Stutt kan det oppsummerast slik: et variert kosthald med minst mogleg sukker og kvitt mjøl, variert og artig trening, lytt til kroppen og hugs nok kvile/søvn.
Kvelden var avslutta med underhaldning frå alle klubbane og dei yngste frå Kvam var tøffe nok til å stille med allsong på sena.

Kjempeartig og lærerikt var kvamværane sin dom etter at det heile var over, og på treninga dagen etter var Halvor’s kommentar: - detta må dekk bli med på!!!!
Altså – neste år håpar vi å bli enda fleire…..

Du kan sjå biletserie frå Fagerhøi her >>
 

21.11.2006
Dugnad i lysløypa - laurdag 25. november kl. 10.00.
Ta med det du har - motorsag, ryddesag, hagesaks e.l.
Vi håpar mage møter opp, så er dette raskt overstått.
Oppmøte ved klubbhuset.

Smørekurs med Ivar Michal Ulekleiv - tysdag 28. november kl. 19.00 i klubbhuset.
Vi hadde eit vellykka kurs med Åge Rusten i førre veke og her kjem eit nytt tilbod for dei som vi lære enda meir.

Ivar Michal har vore på landslaget i skiskyting og seinare vore med som smørjar for landslaget, så her blir det mange tips å hente.
Alle er vel møtt!
Skigruppa
 

Smørekurs

Tysdag 14. november kl. 18.00 arrangerer skigruppa smørekurs på Klubbhuset

Åge Rusten frå Skåbu lærer oss å preparere og smøre ski.

Dette gjelder både for de som vil gå skirenn og de som vil ha gode ski til "søndagsturen".

Kurset er ope for alle.

Sør-Fron IL inviterer skiløpere til miljøsamling på Fagerhøi 18-19. november 2006

Kvam bør stille med flest mulig utøvere

• Alder min. 10 år. Eventuelt yngre utøvere (under 10 år) må ha med mor eller far.

• Påmelding til Torunn Sigstad, tlf. 99642654 seinast søndag 12. november.

Program:

Lørdag 18.11
kl.09.00 ankomst
kl.10.00 1.økt - teknikk trening klassisk-skileik
kl.12.00 lunsj
kl.14.30 2.økt - teknikk trening fristil-skileik
kl.18.00 middag
kl.20.00 samling i peisestue med underholdning av alle klubbene.


Søndag 19.11
kl.08.30 frokost
kl.09.30 1.økt lett intervall fristil
kl12.00 lunsj
kl.14.30 2.økt klassisk rolig langtur
kl.16.00 avslutning
 

08.10.2006
Skitrening for 2.- 4.klasse

Oppstart måndag 9. oktober.

Måndagar kl. 18.00 - 19.00.
Variert og artig skitrening ute.
Ha på refleksvest og treningsklede/sko, for å trene ute, i alt slags vér.
Oppmøte ved klubbhuset i idrettsparken.
Alle er velkomne.

Skitrening for 5. klasse og oppover

Oppstart måndag 9. oktober.
Treninga er for alle, - også for vaksne!

Måndag kl. 18.00 – 19.30.
Frå måndag 23. oktober blir det trening ute frå
18 – 19, og trening inne i bygdahuset frå 19 - 20.
Ha på refleksvest, treningsklede og sko for utetrening,
skift for innetreninga.

Torsdag kl. 18.00 - 20.00.
Torsdagar blir det felles trening for ski-laga i Fron, ved Lia skule i Sør-Fron.
Ein time ute og ein time inne.
Ta med både inne- og uteklede.
Felles avreise frå idrettsparken kl. 17.20.

Laurdag kl 11.00
Oppmøte idrettsparken.
Ca. ein times utetrening for alle, også dei yngre, men helst i følgje med vaksne. Dette vil i hovudsak bli kondisjonstrening/langkjøring


Helsing frå skigruppa i Kvam IL.

18.08.2006
Langrenns-trening i Fron hausten 2006

Her kjem førebels treningsopplegg for Fronsgruppa i langrenn - født 1996 og oppover.

Det er høgsesong for fotballen med trening, seriekampar og turneringar. Med mange lag involvert i Fronsgruppa, blir det vanskeleg å få det til å passe for alle kvar gong.

Vi har forhøyrt oss ang. turneringar dei ymse laga skal delta i og prøvd og setje opp treningar etter dette.

Opplegget på desse treningane skal ha høg intensitet, med ein del intervall, men sjølvsagt er det og viktig at vi får desse treningane til å vere artige og dermed attraktive for utøvarane å delta på.
 

Treningane skal vere på maks. 1 ½ t.

NB! Ta med joggesko på alle treningane, samt hjelm på sykkel og rulleskitreningane.
Skistavane skal ikkje vere for lange på barmarkstreninga – fjorårets.

Vel møtt til nye og gamle!

Ved evt. spørsmål, ta kontakt med Torunn Sigstad tlf. 99642654 eller Olav Røssum tlf. 48003413.

04.06.2006
Langrenns-trening i Fron

Er du glad i å gå langenn, - og vil trene til neste sesong?

Alle ski-laga i Fron vil i sommar samarbeide om felles treningsopplegg for langrenn-løparar som neste år skal gå i klassene 11 - 16 år, ( d.v.s. dei som er født mellom 1990 og 1996).
Denne felles treninga er meint som eit samlingspunkt for å hente inspirasjon for å trene vidare
Frå og med laurdag 10.juni -06, oppfordrar vi alle Kvamsløparar i denne aldersgruppa, til å bli med på fellestreningane.
Det vil bli samordning av kjøring frå idrettsparken når det er aktuelt.

Etter treninga laurdag 10. juni, blir det kl. 14.30 informasjonsmøte i klubbhuset i Kvam, for løparar, foreldre og trenarar.
Her blir det gjeve meir informasjon og det blir enkel matservering.
Les meir >>

VEL MØTT!

20.05.2006

26.03.2006
Dombåssprinten 26. mars -06

Kvam idrettslag stilte med 10 deltakarar på sesongens siste kretsrenn på Dombås i dag. Enda ein gong gjorde dei unge skiløparane frå Kvam ein stor innsats i eit kretsrenn. Dei fleste av løparane hadde tunge løp frå i går i beina, men vi fekk likevel mange gode plasseringar.
Resultata syner at den gode innsatsen tidlegare i vinter ikkje er tilfeldig, og at løparane har att for den store treningsinnsatsen dei har lagt ned i haust og vinter.

I G13 gjekk Ola Esten Røssum inn til 4. plass med 13.52. Her var det 2+2 km pursuit som sto på programmet. Etter dei fyrste 2 km. klassisk kom Ola inn til ski bytte som nr. 4, og ut som femtemann. I siste bakken før mål viste Ola igjen at han ein løpar med god kondisjon og styrke og avanserte opp til fjerdeplassen. Sterk avslutning!

I dei øvrige klassane der vi hadde løparar, var det fristil med fellesstart.

I J12 stilte Mari V. Sigstad til start. Mari gjekk igjen eit godt løp. Det heldt til ein god 7. plass med 7.29 på sine 2 km. Ho passete to løparar i siste bakken og var berre to sekunder bak løparen framfor.

I G12 stilte Lars Eivind Jensvoll til start. Han gjekk sine to kilometer på tida 7.56. Det heldt til 14. plass i klassa. Lars Eivind viser stor framgang og treningsvilje, så det blir spennande å følgje med han vidare framover.

I G11 stilte Kvam med to løparar. I den to kilometer lange løypa gjekk Halvor Røssum inn på tida 8.00. Med den tida kom Halvor inn til ein god 14. plass. Halvor hadde eit fall undervegs og låg da sist, men kjempa seg sterkt opp i feltet igjen. Amund H. Jensvoll gjekk i mål på den gode tida 8.55, og kom i mål som nr. 21.

I G10 gjekk Sivert V. Sigstad sin 1 km. på 4.19. Sivert følte seg ikkje bra før start og hadde ein tung dag i sporet, men klarte likevel å gjennomføre på ein fin måte.

I J9 stilte Borghild H. Jensvoll og Martine Rudi Teige til start. Borghild var uheldig og gjekk feil, men kom i mål i fin stil på tida 6.32. Martine viste gode ”faiter” eigenskapar og avanserte på oppløpet og fekk den særs sterke tida 4.14.

I G9 stilte Espen Sanden og Hans Kristian Rudland. Dette er gutar med sterkt konkurranse instinkt. Espen gjorde eit kjempesterkt løp og fekk tida 3.48. Hans Kristian sleit i dag etter det harde løpet i går og var ikkje tilfreds med dagen. Han fekk tida 5.05.

Fullstendig resultatliste finn du her:

http://www.dombaas-il.no/langrenn/dbsprint2006/dbsprint-2006-res.htm

Resultat GD-cupen sammenlagt:

http://cpanel3.proisp.no/~gtlanvzp/rfski/uplres/res_134.htm

Dette var siste kretsrennet for i år. Løparane har allereie neste sesong i tankane og fleire er interessert i trening utover våren og sommaren. Dette lover bra for neste sesong.
Trenarar og støtteapparat vil neste veke ha eit oppsummeringmøte av årets sesong, da vil og planlegginga av neste sesong starte.

Det vil kome nærmare informasjon om avslutningskveld for dei som har delteke på årets skitreningar og kretsrenn.

Takk for i år så langt og lykke til med treninga framover.
 

25.03.2006
Strålande skidag på Kvamsfjellet
 

Stolte premievinnarar

Det var ein vel gjennomført klubbmeisterskap på ski som vart arrangert på fjellet i dag.
I strålande vær og med perfekte løyper låg at til rette for ein perfekt dag for skifolket.
Det var i alt 61 startande på det fyrste klubb-mesterskapen på ski på mange mange år.

Rondablikk Fjellsenter ved Svein Erik Kamp la ned ein kjempeinnsats for oss på førehand. Med fin tråkkemaskin laga dei perfekt skøytetrase for skirennet, samtidig som dei tråkka bakken i Rondablikkgropa slik at det var fint for skileik etterpå.
Dei har og i heile vinter sørga for at vi har fine treningforhold på fjellet kvar måndag og torsdag.

Vi vil takke Rondablikk Fjellsenter ved Svein Erik Kamp for alt arbeidet dei har lagt ned for oss i vinter.

Det var mange sterke tider og godt gjennomførte løp under dagens klubbmeisterskap.
Det er resultatet av ein forsiktig start hausten 2001 med felles innetrening for store og små i Bygdahuset.
Ved å sjå på dagens resultatliste ser ein fort at fleire av våre yngre nå har betre tider i sporet enn dei vaksne.

Dagens beste tid på den lengste løypa hadde Ola Esten Røssum i 13-års klassa med 9.23. Dette er 14 sekunder raskare enn vinnaren av herreklassa, Ingar Eide.

Beste tid av alle damer som gjekk lengste løypa hadde Mari Vassdokken Sigstad i 12-års klassa med 10.52. Dette er 20 sekunder raskare enn mor Torunn Sigstad.

For øvrige resultat sjå resultatlista.

Bilete er lagt ut her >>

Etter skirennet kosa vi oss i sola med pølser, kaker, brus og kaffe og det var premieutdeling til små og store.
Aktiviteten i skileikbakken var det heller ingenting å si på, - mange gode prestasjoner der og!
Alt i alt ein strålande dag og vi i skigruppa takker for mange gode tilbakemeldingar.

I morgon går avslutninga av GD-cupen på Dombås - følg med.
 

19.03.2006
Lemonsjørennet

Torstein debuterte med eit fin gjennomført renn på Heidalsskogen i dag

I Lemonsjørennet som gjekk på Heidalsskogen hadde Kvam 10 løpare på startstreken.
Rennet gjekk i klassisk stil og inngår i GD-cupen for 11 - 13 åringar.
Under vanskelege vær og smøreforhold gjekk alle kvamsløparane gode løp.

I klassane J/G 9 - 10 år går alle 1 km. utan rangering, men av tidane ser vi at det er fleire gode plasseringar.

Martine Rudi Teige i J9 fortsett å gå gode renn og fekk tida 3.50.
Det same gjer Espen Sanden som gjekk på 3.31 i G9. Torstein Hagen debuterte i dagens renn og fekk gode 3.46.

Hilde Brendstuen gjekk og sitt fyrste kretsrenn og fekk den sterke tida 3.46 i J10.
Sivert Vassdokken Sigstad går og stadig betre på ski og fekk 3.31 i G10.

J/G 11 og 12 år går 2 km. og det gjekk slik:
Halvor Røssum i G11 fekk tida 6.48 og ein god 13. plass

Mari Vassdokken Sigstad fortsett framgangen og fekk tida 6.30 og ein sterk 4. plass i J12.
Pernille Hagen i same klasse gjekk og eit godt løp på tida 7.42.

Lars Eivind Jensvoll i G12 fekk tida 7.03 og ein fin 16. plass.

Ola Esten Røssum i G13 gjekk sine 3 km. på 9.33 og fekk ein god 8. plass med gårsdagens harde renn i beina.
Fleire resultat finn du her:
Klasse 8-10 år
Klasse 11-15 år

Neste helg går årets siste renn og avslutning på GD-cupen - Dombåssprinten 26. mars -06 kl. 11.00.
Rennet går i fristil. Frå og med 11 år har fellesstart.
Påmelding seinast onsdag 22. mars -06 til Torunn Sigstad tlf. 99 64 26 54.

Vi minner og om Klubbmeisterskapet på Kvamsfjellet laurdag 25. mars -06 kl. 11.00, med påfølgjande skileik og premieutdeling.

Vel møtt til små & STORE!!

for skigruppa
Torunn S.

18.03.2006
Ungdomsbirken
Ola Esten Røssum var einaste Kvamsløpar som stilte til start i Ungdomsbirken 2006.
Han gjekk sine 15 km på den gode tida 37.55. Dette heldt til ein imponerande 20. plass i G13 av 208 som kom i mål.

13.03.2006
Astridbekkstafetten
 

Kvam og Tormod skilag stilte i dag felles lag på sprint-stafetten ved Astridbekken i Gausdal. Ola Esten Røssum og Edvard Kjørstad stilte i klasse G 13-14. Dei to gjekk godt, og vann klassa si. Ola gjekk 1. etappe og veksla som nr.sju. Edvard gjekk opp i leiinga på 2. etappe, og Ola tok over att på 3. etappe med ei leiing på omlag 20 sekund. Ola heldt på leiinga, slik at han og Edvard ved siste veksling var 10 sekund framfor neste lag. Edvard hadde full kontroll på siste etappe og kom i mål 30 sekund framfor Lillehammer Skiklubb sitt lag. I alt stilte 11 lag i klassa. Samla stilte det 66 lag til start på Vestringen idrettslag sitt flotte ski-anlegg i Gausdal Vestfjell.

11.03.2006
Strålande innsats av Kvamsløparane i Steilsprinten
 

Kvam hadde ny rekord i påmeldte løparar til Steilsprinten i Skåbu i dag med 13 stk., 2 måtte melde forfall.

Rennet gjekk i klassisk stil, og med strålande ver og løypeforhold låg alt til rette for gode plasseringar.

Fyrste startande av alle i Steilsprinten var Sivert Vassdokken Sigstad i G10. Sivert hadde som målsetning å kome fyrst også over mål og dette greidde han fint med eit godt løp.

Hans Kristian Rudland og Espen Sanden stilte i G9. Espen viser same gode framgangen også i klassisk stil som på fristil førre helg, og hadde i mål nest beste tid i si klasse.

Hans Kristian hevda seg og særs godt, etter nybegynnar-nervar sist helg. Han viste at han er ein sterk klassisk løpar. Han hadde 4. beste tid, berre 10 sekunder bak Espen.

Martine Rudi Teige og Borghild Harstad Jensvoll i J9 gjorde også gode løp i dag. Martine gjekk eit veldig sterkt løp og var berre eit sekund bak beste tid i si klasse.

Halvor Røssum og Amund Harstad Jensvoll i G11 har gått jamt gode løp i heile vinter og det gjorde dei også i dag med 4. og 6. plass.

Lars Eivind Jensvoll i G12 fekk si beste plassering for sesongen og gjekk inn til ein imponerande 2. plass i dag. Hadde det ikkje vore for uheldige fall, ville han nok ha lukta på beste tid i si klasse.

I J12 stilte Mari Vassdokken Sigstad og Pernille Hagen. Mari gjekk i dag sitt beste løp nokon sinne og gjekk inn til delt 1. plass ( med Vibekke Linn frå Follebu), og dette med fall. Pernille imponerte også i sitt fyrste kretsrenn og gjekk inn til 4. plass.

I G13 tok Ola Esten Røssum sin andre seier for sesongen.

Kvam sin sterke innsats og gode deltaking var og spesielt trekt fram frå spiker på stadion i dag.

Påmelding Lemonsjørennet søndag 19. mars -06, kl. 12.00 på Heidalsskogen,
innan 14. mars til Torunn Sigstad, tlf. 99 64 26 54.
Rennet går i klassisk stil og inngår i GD-cupen (11 - 14 år).

Mvh
Torunn

Resultat frå STEIL-sprinten finn du her >>

04.03.2006
Resultater Trabelirennet 04.03.06.

Kvam hadde 10 påmeldte løpere til Trabelirennet i dag, men 2 måtte dessverre melde avbud.

Hans Kristian debuterte og gjorde en fin innsats i dag.

03.03.2006
Det er 10 påmelde løpere fra Kvam på Trabelirennet 04.03.06.

Rennet går i fristil med fellesstart for alle klasser, med skibytte for klassene 13 år og eldre.
Rennet inngår i GD-Cup (11-14 år)

Rennet starter kl. 11.00.

Starttider for våre løpere er:

11.35 G13 Ola Røssum

12.55 G9 Espen Sanden
Hans Kristian Rudland

13.00 J9 Martine Rudi Teige
Borghild Harstad Jensvoll

13.05 G8 Tom Erik Brendemoen

13.15 G12 Lars Eivind Jensvoll

13.20 G11 Halvor Røssum
Amund Jensvoll

13.25 J12 Mari Vassdokken Sigstad

For øvrig informasjon se: http://www.rfski.com/

22.02.2006

Trabelirennet i Ringebu/Trabelia - går i år lørdag 4.mars.
Rennet går i fristil med fellesstart for alle klasser, med skibytte for klassene 13 år og eldre.
Rennet inngår i GD-Cup (11-14 år)

Påmelding Trabelirennet: Torunn Sigstad telefon 99 64 26 54 innan 28.februar -06

Bli med på Tormodrennet!

Tormod skilag arrangerer søndag 26. februar Tormodrennet. Hit er alle skiklubbar i Fron inviterte. Det vil bli opp ein pokal som skal delast ut til den klubben som stiller med flest deltakarar.

Vi oppfordrar alle frå Kvam IL om å stille opp, og håper at vi kan ta heim pokalen!

Invitasjonen og fleire opplysningar finn de her:
http://www.tormodskilag.no/dokumenter_opplastet/2006_invitasjon_tormodrennet.pdf

Ola like før start.

18.02.2006
Ungdommens Holmenkollrenn

Ola Esten Røssum deltok i dag på Ungdommens Holmenkollrenn i Oslo.
Rennet samlar omlag 800 deltakarar frå heile landet.
Ola kom inn på tida 11:16 i klassa G13. Det heldt til plass nr. 40 på resultatlista.
Rennet i dag gjekk i klassisk stil. Ungdommens Holmenkollrenn held fram i morgon med fristil.

 

Resultata frå rennet finn de på:
http://n3sport.no/Downloads/163975/docs/Resultatliste_lørdag_180206.PDF

Martine var einaste deltakar frå Kvam på Lillehammerlekene i dag og var ikkje snauare enn at ho vann klassa si.
Vi gratulerer.

12.02.2006
Flott innsats i helga

Martine like før start.

Skiløparane våre gjekk godt også denne helga.

Laurdag var det sprintrenn i Øyer, og alle som stilte opp gjorde det svært bra. Sprintrenn er ei øving med svært små marginar, og difor er det lite som skal til før du klatrar eller fell på resultat-listene. Jonas, Mari, Amund, Halvor, Ola og Lars Eivind var alle saman berre nokre få meter frå å kome høgare opp på resultat-listene.
Plasseringane som løparane våre fekk finn de på :
http://www.n3sport.no/Organisation.asp?WCI=wiKlubbKassaNews&WCU=375858

Espen gjekk svært godt!

Søndag stilte ti løparar opp i Selsrennet på Tolstadåsen. På det kalde og trå føret, men i fint solskinn, var det mange som gjekk sine beste løp til nå i vinter. Amund H. Jensvoll gjekk inn til si beste plassering i år. Odd Martin Brendemoen viste stor framgang og kom inn på ei god tid. Mari V. Sigstad var berre to sekund frå tredje-plassen, og også Lars Eivind Jensvoll og Halvor Røssum tok sterke fjerde-plassar. Espen Sanden, Martine R. Teige, Sivert V. Sigstad, Borghild H. Jensvoll og Tom Erik Brendemoen skøyta godt, og fekk gode tider, som med rangering ville ført dei høgt opp på listene.

Tider og resultat frå Sel finn de på:
http://cpanel3.proisp.no/~gtlanvzp/rfski/uplres/res_114.htm

09.02.2006

Det blir skirenn kvar tirsdag framover så lenge det er snø.
Det blir holdt nede i lysløypa med start kl 18.00 så sant det er føre for det.
Første renn blir tirsdag 14. februar. I vinterferieuka blir det ikke renn.
Det er oppmøte og start fra klubbhuset.

Lørdag 25. mars så blir det klubbmesterskap oppe på fjellet med start og innkomst ved parkeringa på Rondaplassen.

Søndag 2. april så blir den tradisjonelle turen fra Høvringen og tilbake til Kvamsfjellet arrangert. Den turen er med værforbehold og barn sammen med foresatte.

Husk ta med mat og ekstra med varme klær. Pris pr person er satt til kr 100,- som dekker busstransport fra Slettakrysset og til Høvringen.

Husk å møt opp i god tid til alle renn og turer.

01.02.2006
Ny oversikt over kretsrenn i langrenn er lagt ut.
Les meir her >>

30.01.2006
God innsats i KM

Ola Esten Røssum gjorde det godt i KM som vart arrangert på Lygna skistadion i helga.
Ola går i klasse G13.

Laurdag deltok han i sprint skøyting, og han gjekk der inn til ein 6. plass samanlagt, etter tre gode løp.

Søndag stilte Ola til start i den klassiske tre-kilometeren. Her gjekk han inn til tida 9:47, ei tid som heldt til plass nr. 4.

Halvor Røssum stilte søndag til start i sonerennet i klasse G11. Halvor gjekk inn til tida 8:02, noko som heldt til plass nr. 22 på resultatlista.

For både Ola og Halvor var dette dei to klart beste løpa til nå i vinter. Det var stor deltaking frå heile Oppland, og skarp konkurranse.

Resultata frå KM finn de på: http://www.lygna-skisenter.no/km2006/

Vi nemner også at Tormod skilag gjorde det svært godt i KM.
I klasse G14 gjekk Edvard Kjørstad til topps både på laurdag og søndag.
Kirsti Kolseth vann klasse J14 på laurdag og vart nummer to på søndag.
Vi gratulerer !

22.01.2006

Borghild i fint driv inn mot mål

Seier og god innsats i Folleburennet

Kvam idrettslag stilte med 8 deltakarar i Folleburennet søndag 22.januar.
Enda ein gong gjorde dei unge ski-løparane frå Kvam ein stor innsats i eit kretsrenn.

Resultata synte at den gode innsatsen på Gålå førre helg ikkje var tilfeldig, og at løparane har att for den store trenings-innsatsen dei har lagt ned i haust.

I klasse G13 gjekk Ola Esten Røssum inn til fyrste-plass. Halvvegs låg han eitt sekund bak leiaren, men Ola Esten avslutta sterkt og i mål, etter å ha gjennomført ei krevjande løype på tre kilometer, var han 18 sekund framfor nummer to på lista. Ola si tid vart 13:17.

I klasse J12 stilte Mari V. Sigstad til start. Mari gjekk igjen eit godt løp. Sjølv om var uheldig og hadde eit fall, gjekk ho inn til den sterke tida 11.11 på sin to-kilometer. Det heldt til ein god femte-plass.

I klasse G12 stilte Lars Eivind Jensvoll til start. Han gjekk sine to kilometer på tida 11:47. Det heldt til sjuande plass i klassa. Lars Eivind viser framgang og stor treningsvilje, så det blir spennande å følge med han vidare utover vinteren.

I G11 stilte Kvam med tre løparar. I den to kilometer lange løypa gjekk Halvor Røssum inn på tida 10:42. Med den tida kom Halvor inn til ein sterk sjuande plass. Amund H. Jensvoll gjekk i mål på den gode tida 11:48, og kom med det inn til plass nummer fjorten på resultat-lista. Odd Martin Brendemoen gjekk i mål på tida 13:45. Odd Martin gjekk sitt fyrste skirenn på krets-nivå, og imponerte med sin store innsats. Det var ein god prestasjon å koma gjennom den krevjande løypa på ein slik måte som Odd Martin gjorde.

I klasse G10 var Sivert V. Sigstad med. Sivert følgde også opp sin sterke innsats frå Gålå førre helg med eit godt løp. Han gjekk i mål på tida 7:11, etter ein godt gjennomført kilometer.

I klassa J9 stilte Borghild H. Jensvoll til start. Ho gjekk sin kilometer på tida 9:38. Også Borghild viste at ho kan gå fort på ski og ho fullførte løpet i fin stil.

Neste kretsrenn er i Rudsbygd 4. februar. I dei to vekene fram dit vil nok dei unge skiløparane frå Kvam bruke det gode skiføret vi nå har fått til å trene og bli enda betre.

15.01.2006
God innsats av Kvam på Gålå.

Heile 10 ski-løparar frå Kvam stilte til start i Tormodsprinten laurdag 14. januar. Alle saman gjorde det svært bra i dei klassiske spora på Gålå.

I klasse G9 år starta Jonas Brandvol og Espen Sanden. Dei fullførte sin kilometer på svært gode tider. Espen gjekk i mål på 5:21, medan Jonas si slutt-tid vart 5:55.

I J9 var Borgild H. Jensvoll og Martine R. Teige med. Dei gjekk også svært bra på sin kilometer. Martine kom i mål på den sterke tida 5:38, medan Borghild sitt sterke løp fekk ei slutt-tid på 5:55.

Sivert V. Sigstad gjekk ein kilometer på den svært sterke tida 5:06. Sivert går i klassa G10.

Amund H. Jensvoll og Halvor Røssum var med på to kilometer i G11 klassa. Halvor kom inn på tida 9:33, noko som heldt til ein god 13. plass. Amund kom like bak, på tida 10:06. Det heldt til ein fin 20. plass på resultat-lista.

I G12 stilte Lars Eivind Jensvoll til start. Han fullførte to kilometer på den gode tida 9:49, noko som heldt til ein fin 18. plass.

I J12 var Mari V. Sigstad med. Ho kom inn til ein fin 7. plass på to kilometer. Mari si sterke tid var var 9.21.

Ola Esten Røssum var deltakar i G13. Han kom på ein fin 7.plass, på tre kilometer. Den sterke tida til Ola var 11:23.

For klassene 11-14 år var rennet på Gålå ein del av GD-cupen. Ola og Mari står med 9 poeng etter eitt løp, medan Halvor fekk 3 poeng. 4 renn står att i GD-cupen så det det blir fleire sjanser til å plukke poeng for alle saman.

Det var som de ser ein god sesong-start for løparane våre. Vi ser fram til fleire gode prestasjonar utover vinteren.

Skismøring
Norges Skiforbund
Barnas skiklubb
Distansekortet
Langrenn.com
Skiinfo Norge
Tormod Skilag

Resultat karusellrenn
2006
28.01.2006
14.02.2006
21.02.2006
07.03.2006
14.03.2006

Klubbmeisterskapen 2006
Bilete frå klubbmeisterskapen 2006